FAQ

Establishment Section

ව්‍යාපාර නාම ලියාපදිංචි කිරීම.

තනි පුද්ගල ව්‍යාපාර නාම අයිතිය වෙනස් කිරීම.(සංශෝධනය)

 

1)      ව්‍යාපාර හිමිකරු ජිවතුන් අතර සිටින අවස්ථාවලදී.

ව්‍යාපාර නාමය හිමි පුද්ගලයා දිවුරුම් ප්‍රකාශයක් මඟින් තම කැමැත්ත ප්‍රකාශ කරන අවස්ථාවක, අදාල ව්‍යාපාරය තමාගේ නමින් සංශෝධනය කිරීමට අළුතින් ඉදිරිපත් වන හිමිකරුගේ කැමැත්ත සහිත ලිපිය.

2)      ව්‍යාපාරයේ හිමිකරු මිය ගිය අවස්ථාවකදි

   (I) හිමිකරු විවාහකයෙකු නම්,

නීත්‍යානුකූල කලත්‍රයා හා වයස අවුරුදු 18ට වැඩි දරුවන් සිටි නම් ඔවුන්ගේ එකඟතාවය මත හිමිකාරිත්වය පැවරීය හැක. (අදාල එකඟතාවය දිවුරුම් ප්‍රකාශයක් මඟින්)

වයස අවුරුදු 18ට අඩු දරුවන් සිටිනම්, නීත්‍යානුකූල කලත්‍රයා වෙත හිමිකාරීත්වය පැවරීය හැක. (කලත්‍රයාගේ ලිඛිත ඉල්ලීමක් අනුව)

(II) හිමිකරු අවිවාහක නම්,

මව, පියා හා වයස අවුරුදු 18 ට වැඩි සහෝදර සහෝදරියන්ගේ එකඟතාවය මත (අදාල එකඟතාවය දිවිරුම් ප්‍රකාශය මඟින් ).

v  ඉහත (I) හා (II) අවස්ථා දෙකෙහිදීම අදාල ඉල්ලීම අනුව ප්‍රාදේශයේ ග්‍රාම නිලධාරි වෙතින් වාර්තාවක් කැඳවා අනතුරුව සංශෝධනය කිරීම සුදුසු වේ.

 

v  ඉහත 1 හා 2 අවස්ථාවලදී සිදු කරනු ලබන සංශෝධනය අදාල දේපළ සම්බන්ධයෙන් අධිකරණය විසින් ගනු ලබන තින්දුවකට යටත් වන අතර එහිදි ලබා දෙන අධිකරණ තීන්දුව අනුව ව්‍යාපාර හිමිකම වෙනස් වීය හැක.

 

v  ඉහත අවස්ථාවන් වලට වඩා වෙනස් අවස්ථාවක් හෝ විරෝධතා හෝ ඉදිරිපත් වන විට සිවිල් අධිකරණයක් මඟින් ලබා දෙන තීන්දුවක් අනුව කටයුතු කළ යුතුය.  

හවුල් ව්‍යාපාරයක්, තනි පුද්ගල ව්‍යාපාරයක් බවට හෝ තනි පුද්ගල ව්‍යාපාරයක් හවුල් ව්‍යාපාරයක් බවට පරිවර්තනය කළ නොහැකිය. එහිදී සිදු කළ යුත්තේ අදාල ව්‍යාපාරය අවසන් කර අළුත් ව්‍යාපාරයක් ලෙස ආරම්භ කිරීමයි.

හවුල් ව්‍යාපාරයේ සාමාජිකයින්ට දිවුරුම් ප්‍රකාශයක් ලබා දීම මඟින් ඉවත් වීමටත්, අනෙක් සාමාජිකයින්ගේ කැමැත්ත මත අළුතින් හවුල් ව්‍යාපාරයට එකතු වීමටත් ඉඩ ප්‍රස්ථාව ඇත. මෙහිදී හවුල්කරුවන් ගණන 14 කට නොවැඩි විය යුතුය.  

පිටුව 09

මූලිකව අවශ්‍ය වන ලිපි ලේඛන ඇතුළු අවශ්‍යතා

1.      ජාතික හැඳුනුම්පත/ විදේශ ගමන් බලපත්‍රය/රියදුරු බලපත්‍රය

2.      ව්‍යාපාරික ස්ථානයේ අයිතිය තහවුරු කිරීම සඳහා අදාල වන ලිපි ලේඛන

                                i.            ඉඩමේ ඔප්පුව

                              ii.            දීමනා පත්‍ර හෝ බලපත්‍ර

                            iii.            බදු ඔප්පු

                            iv.            දිවුරුම් ප්‍රකාශ

                              v.            ග්‍රාම නිලධාරී වාර්තා

                            vi.            අදාල ආයතන විසින් “එම ස්ථානයට අදාලව ව්‍යාපාර නාමයක් ලබා දීම සම්බන්ධයෙන් විරුද්ධත්වයක් නොමැති බවට” ලබා දෙනු ලබන වාර්තා

උදා :-   1. මාර්ග සංවර්ධන අධිකාරිය වැනි රක්ෂිත ආශ්‍රිත ආයතන

           2. විහාරස්ථාන/වෙනත් පූජනීය ස්ථාන

            3. වතු සමාගම්

                          vii.            හවුල් ගිවිසුම

                        viii.            ඔප්පු හෝ බලපත්‍ර නොමැති එහෙත් පදිංචිය තහවුරු කළ හැකි අය පිළිබද, ප්‍රාදේශිය ලේකම් වෙත ග්‍රාම නිලධාරී ලබා දෙන  නිර්දේශ මත අයිතිය තහවුරු කර ගැනීම.

3.      ඇතැම් ව්‍යාපාර සඳහා හිමිකරු හෝ එහි සේවය කරන තැනැත්තන් සතු විය යුතු සහතික/ වෘත්තීය සහතික

උදා:-    1. ඖෂධවේදී සහතික  

4.      අවශ්‍ය අවස්ථා වලදී කම්කරු දෙපාර්තමේන්තුවෙන් ලබා දෙනු ලබන වාර්තා/EPF/ETF විස්තර

 

5.       ලියාපදිංචි කිරීමට බලාපොරොත්තු වන ව්‍යාපාරය වෙනත් ආයතනයක නියෝජිතයෙකු නම්, එම ආයතනය සමඟ අත්සන් කරන ලද ගිවිසුම හෝ බලයලත් ලිපිය.

 

6.      බොහෝ ව්‍යාපාර සඳහා පළමුව ව්‍යාපාර නාම ලියාපදිංචි සහතිකය ලබා දිය යුතු අතර අනතුරුව අවශ්‍ය වන වෙනත් නිර්දේශ ලබා ගැනීම ව්‍යවසායකයා සතු වගකීමක් වේ.

            උදා:-    1. උකස් කටයුතු සම්බන්ධ ව්‍යාපාර

                        2. ආනයන අපනයන කටයුතු හා සම්බන්ධ ව්‍යාපාර

                        3. ඉදිකිරීම් කොන්ත්‍රාත් සම්බන්ධ ව්‍යාපාර

 

ලියාපදිංචි කරන ආකාරය

  • ව්‍යාපාරය කරගෙන යන ප්‍රධාන ස්ථානයට අදාල ප්‍රාදේශීය ලේකම් කාර්යාලය මගින් ලියාපදිංචි කළ යුතුය.
  • නාමය
  •  සාමාන්‍ය  ස්වභාවය
  • ආයතනයක් නම් කොටස්කරුවන්ගේ සම්පුර්ණ නම්, පෙර භාවිත කල නම්,  වෙනත් ව්‍යාපාරයක යෙදි සිටිනම් ඒ බව.
  • පුද්ගලයකු නම්  සම්පුර්ණ නම පෙර භාවිතා කල නම,  වෙනත් ව්‍යාපාරයක යෙදි සිටී නම් ඒ බව.
  • ආරම්භ කළ දිනය

 

මෙම තොරතුරු ප්‍රාදේශීය ලේකම් කාර්යාලය වෙත ලබා දීම හෝ www.ebrsp.com යන වෙබ් අඩවියට පිවිසීමෙන් ව්‍යාපාර නාම ලියාපදිංචියට අයදුම් කළ හැක.

 

එක් ප්‍රාදේශීය ලේකම් කොට්ඨාශයක සිට වෙනත් ප්‍රාදේශීය ලේකම් කොට්ඨාශයකට ව්‍යාපාරය රැගෙන යාමේදී, මුල් ප්‍රාදේශීය ලේකම් කොට්ඨාශයෙන් ව්‍යාපාර නාමය අවලංගු කර නව ස්ථානයෙන් පැරණි සහතිකයේ ඡායා පිටපතක් සමඟ ඉල්ලුම් කළ යුතුය. එවිට පැරණි දිනය දඩ අයකිරීමකින් තොරව ලබා දිය හැකිය.

 

මෙම ක්‍රමවේදය තුල “පුද්ගලික සමාගම” යන නාමය ලියාපදිංචි කළ නොහැකිය.

 

ජංගම වෙළෙඳාම ලියාපදිංචි කිරීමේදී ප්‍රධාන ව්‍යාපාර ස්ථානය ලෙස, පදිංචි ස්ථානය යෙදිය හැකිය. එහි ව්‍යාපාර ස්වභාවය යෙදීමේදී “ජංගම වෙළෙඳාම” යන වචනය භාවිතා කළ යුතුය.

 

දකුණු පළාත තුල එකම නමින් ව්‍යාපාර 02 ක් ලියාපදිංචි කළ නොහැක.

 

 

 

 

ලියාපදිංචි කිරීමේ කාලය

 

  • ආරම්භ කර දින  14 තුල, හෝ
  • ඉල්ලුම් කලවිට රෙජිස්ට්‍රාර්  විසින් ඉඩ දෙන කාල  සීමාවක් තුල
  • ව්‍යාපාරය පිළිබද වෙනස් වීම් දින 14 තුළ දැනුම්දිය යුතුය.
  • මුලා කරන සුළු වෙළෙඳ  නාම භාවිතා නොකළ යුතුය.

ව්‍යාපාර නාම ලියාපදිංචි කිරීමේදී අයකරන ගාස්තු.

 

01.       තනි පුද්ගල ව්‍යාපාරයක් හෝ හවුල් ව්‍යාපාරයක් ලියාපදිංචි කිරීම.

     (I).   රු.250, 000.00 වැඩි ව්‍යාපාර සඳහා                 - 1000/-

     (II).  රු.100,000.00 වැඩි ව්‍යාපාර සඳහා                  -  600/-

     (III). රු.25,000.00  හෝ  ඊට වැඩි ව්‍යාපාර සඳහා    -  300/-

     (IV). රු.25,000.00 අඩු ව්‍යාපාර සඳහා                     -  100/-

 

  1. 7 වන වගන්තිය යටතේ ඉදිරිපත් කරනු ලබන වෙනස්කම් ප්‍රකාශයන්

        සඳහා ගාස්තු.

     (I)  රු.25,000.00 හෝ  ඊට වැඩි  ව්‍යාපාර සඳහා       -  300/-

     (II) රු.25,000.00 අඩු ව්‍යාපාර සඳහා                            -  100/-

 

03.    ලේඛන පරීක්ෂා කිරීම සඳහා ඉල්ලුම්පත් ගාස්තු.

     (I) .රු.25,000.00 හෝ  ඊට වැඩි ව්‍යාපාර සඳහා        -  75/-

     (II).රු.25,000.00 අඩු ව්‍යාපාර සඳහා                            -  50/-

  1. ලියාපදිංචි කිරීමේ සහතික පිටපතක් ලබා ගැනීම

      සඳහා ගාස්තු.

     (I). රු.25,000.00 හෝ ඊට වැඩි ව්‍යාපාර සඳහා  -  50/-

     (II).රු.25,000.00 අඩු ව්‍යාපාර සඳහා                         -  10/-

 

  1. සමෘද්ධිලාභියෙකු විසින් ආරම්භ කරනු ලබන තනි පුද්ගල ව්‍යාපාරයක් හෝ  සමෘද්ධිලාභීන් විසින් ආරම්භ කරනු ලබන හවුල් ව්‍යාපාරයක් වෙනුවෙන්  ව්‍යාපාර නාම ලියාපදිංචි කිරීම හා ඊට අනුශාංගික කරුණු සඳහා අයකරනු ලබන ගාස්තුව.  (රු 10/-)

 

 

 

 

ප්‍රමාද ගාස්තු අය කිරීම

  • I වන අවස්ථාව

ව්‍යාපාර නාම ලියාපදිංචිය සඳහා ලබා දී ඇති සහන කාලය ඉකුත් වී අදාල අයදුම්පත ඉදිරිපත් කරන   දිනය, දින 30ක් ඇතුලත නම්,

ව්‍යාපාරය ලියාපදිංචි කිරීමේ නියමිත ගාස්තුව සහ ඊට අමතරව එම ගාස්තුවෙන් 10%ක දඩ මුදලක් අය කිරීම. 

  • I I වන අවස්ථාව

ව්‍යාපාර නාමය ලියාපදිංචිය සඳහා ලබා දී ඇති සහන කාලය ඉකුත් වී අදාල අයදුම්පත ඉදිරිපත් කරන දිනය, දින 90 හෝ ඊට අඩු නම් ව්‍යාපාරය ලියාපදිංචි කිරීමේ නියමිත ගාස්තුව සහ ඊට අමතරව එම ගාස්තුවෙන් 20%ක දඩ මුදලක් අය කිරීම. 

  • I I I වන අවස්ථාව

ව්‍යාපාර නාමය ලියාපදිංචිය සඳහා ලබා දී ඇති සහන කාලය ඉකුත් වී අදාල අයදුම්පත ඉදිරිපත් කරන   කාල සීමාව, දින 91 ඉක්මවා ඇත්නම් (මාස 06 ක් ඇතුලත),  ව්‍යාපාරය ලියාපදිංචි කිරීමේ නියමිත ගාස්තුව සහ  ඊට අමතරව එම ගාස්තුවෙන් 30% ක දඩ මුදලක් අය කිරීම. 

  • I V වන අවස්ථාව

ව්‍යාපාර නාමය ලියාපදිංචිය සඳහා ලබා දී ඇති සහන කාලය ඉකුත් වී අදාල අයදුම්පත ඉදිරිපත් කරන   කාල සීමාව  මාස 06 ට වැඩි නම් ව්‍යාපාරය ලියාපදිංචි කිරීමේ නියමිත ගාස්තුව සහ  එකවර ගෙවනු ලබන රු.2500.00

දකුණු පළාතේ ව්‍යාපාර නාම පිළිබඳ ප්‍රඥප්තියේ විධි විධාන යටතේ ලියාපදිංචිය හිතාමතාම ප්‍රමාද කර ඇති බව සනාථ වන අවස්ථාවන්හිදී   දිනකට රුපියල් 2500/-  දඩ මුදලක් අය කිරිම.  (සහකාර ව්‍යාපාර නාම රෙජිස්ට්‍රාර්ගේ අභිමතය පරිදි)

 

උදාහරණය:-

A නම් තැනැත්තා ව්‍යාපාරය ආරම්භ කළ දිනය 2016.03.01 නම් ව්‍යාපාර නාමය ලියාපදිංචි කළ යුතු කාලය 2016.03.14 හෝ ඊට පෙර විය යුතුය.

  • I වන අවස්ථාව

10% ක දඩ මුදලක් අය කිරීමට නම්,

ව්‍යාපාර නාම ලියාපදිංචිය 2016.03.15 – 2016.04.14 යන කාල සීමාව තුලදී ඉදිරිපත් කළ යුතුය.

  • I I වන අවස්ථාව

20% ක දඩ මුදලක් අය කිරීමට නම්,

ව්‍යාපාර නාම ලියාපදිංචිය 2016.04.15 – 2016.06.14 යන කාල සීමාව තුලදී ඉදිරිපත් කළ යුතුය.

  • I I I වන අවස්ථාව

30% ක දඩ මුදලක් අය කිරීමට නම්,

ව්‍යාපාර නාම ලියාපදිංචිය 2016.06.15 – 2016.09.14 යන කාල සීමාව තුලදී ඉදිරිපත් කළ යුතුය.

  • I V වන අවස්ථාව

එකවර ගෙවනු ලබන රු.2500.00

ව්‍යාපාර නාම ලියාපදිංචිය 2016.09.15 ට පසු ඉදිරිපත් කළ යුතුය. 

 

 

ව්‍යාපාර නාමය සඳහා අවසර ලබාදිය නොහැකි  වචන

 

  • ජනාධිපති හෝ ඒ ආශ්‍රිත වචන
  • ජාතික
  • ශ්‍රි ලංකා
  • ව්‍යාපාර නාම රෙජිස්ට්‍රාර් විසින් දැනුම් දෙනු ලබන වෙනත් වචන
  • සංස්ථාව  ( යම් ලිඛිත නිතියකින් අනුමත නොවු)
  •  රජය / රාජ්‍ය
  • මුදල්/ මූල්‍යකරණය/ මූල්‍ය
  • ජාතික උරුමයන්ට අදාල වන නාම

 

විදේශිකයෙකුට ශ්‍රි ලංකාව තුළ ව්‍යාපාර නම ලියාපදිංචි කළ හැකිද ?

 

  • අදාළ විදේශ ගමන් බලපත්‍රයේ  ඒ සඳහා අවසරයක් ලබාදී තිබේ නම්, (visa)
  •  ශ්‍රි ලංකා අයෝජන මණ්ඩල‍යේ  අනුමැතිය ලැබී තිබේනම්.

 

ව්‍යාපාර නාම ලියාපදිංචියට පෙර වෙනත් නිර්දේශ ලබා ගත යුතු අවස්ථා

 

  • ස්වාභාවික ආයුර්වේද ඖෂධ නිෂ්පාදන (පළාත් ආයුර්වේද කොමසාරිස් මඟින්)
  • ආයුර්වේද වෛද්‍යවරුන්ගේ සායන (පළාත් ආයුර්වේද කොමසාරිස් මඟින්)
  • බටහිර ඖෂධ අලෙවිසැල්  සඳහා  (ඖෂධවේදී සහතිකය/ දිස්ත්‍රික් සෞඛ්‍ය සේවා අධ්‍යක්ෂගේ නිර්දේශය)
  • මුද්‍රණාල ලියාපදිංචිය සඳහා ජාතික ලේඛනාරක්ෂක දෙපාර්තමේන්තුවේ නිර්දේශය ලබා ගත යුතුය.
  • මුදල් තැන්පතු ලෙස ලබා ගන්නා ව්‍යාපාර සඳහා ශ්‍රී ලංකා මහ බැංකුවේ නිර්දේශය ලබා ගත යුතුය.
  • අවශ්‍ය අවස්ථා වලදී සෞඛ්‍ය වෛද්‍ය නිලධාරී/ මහජන සෞඛ්‍ය පරීක්ෂක/ කෘෂිකර්ම උපදේශක/ ශ්‍රී ලංකා පොලිස් දෙපාර්තමේන්තුවේ/........... නිර්දේශය
  • අවශ්‍ය අවස්ථා වලදී නිර්දේශය
  • පෞද්ගලික ආරක්ෂක ආයතන(ගිනි අවි භාවිතා කරන) සඳහා රාජ්‍ය ආරක්ෂක අමාත්‍යාංශයේ නිර්දේශය
  • ජංගම දුරකතන අලෙවිය සඳහා විදුලි සංදේශ හා නියාමන කොමිෂන් සභාවේ නිර්දේශය

 

ග්‍රාම නිලධාරීන් විසින් සැලකිලිමත් විය යුතු කරුණු

 

  • ව්‍යාපාරය ආරම්භ කර ඇද්ද යන්න තහවුරු කර ගැනිම.(වාහන ගෙන්වීම වැනි අවස්ථා හැර)
  • තම බල ප්‍රදේශයේ පදිංචි නොමැති නම් ග්‍රාම නිලධාරී සහතිකයක් මගින් පදිංචිය සනාත කර ගත යුතු බව
  • අදාල පුද්ගලයා පිළිබඳ  විශේෂ කරුණු ඇත්නම් කාර්යාලයේ විෂය ලිපිකරු ඒ පිළිබඳ දැනුවත් කිරීම.
  •  නිර්දේශයට අමතරව දැන්විය යුතු කරුණු අයදුම්පතේ පහතින් සටහන් කර එවිම.
  • ‍‍දැනට වසා ඇති ව්‍යාපාර සම්බන්ධයෙන් විෂය නිලධාරි දැනුවත් කර පොතෙන් ඉවත් කිරිමට කටයුතු කිරිම.
  •  පොලිසියේ නිර්දේශ අවශ්‍ය අවස්ථා වලදී විෂය නිලධාරින් මගින් යොමු කිරිම.
  • ඔප්පු හෝ බලපත්‍ර නොමැති එහෙත් පදිංචිය තහවුරු කළ හැකි අය පිළිබද, ප්‍රාදේශිය ලේකම් වෙත නිර්දේශ ලබාදිම.

 

පොදු උපදෙස්

1.      සණස වැනි පොදු ආයතන ව්‍යාපාර කටයුතු වලට සම්බන්ධ වීමේදී,

                 i.      හවුල් ව්‍යාපාරයක් ලෙස ලියාපදිංචි කළ යුතුය.

               ii.      හවුල්කරුවන් ලෙස අධ්‍යක්ෂ මණ්ඩලය නම් කළ යුතුය.

             iii.      ආයතනය වෙනුවෙන් සාමාන්‍යාධිකාරී/කළමණාකරු අත්සන් කළ යුතුය.

             iv.      අදාල තීරණය ලබා ගත් අධ්‍යක්ෂ මණ්ඩල රැස්වීම් වාර්ථාවේ සහතික කළ පිටපතක් ලබා ගත යුතුය.

               v.      අවශ්‍ය නම් ව්‍යවස්ථාවේ පිටපතක්

 

2.      පෞද්ගලික අධ්‍යාපන ආයතන ලියාපදිංචි කිරීමේදී ආලෝකය, වාතාශ්‍රය හා මූලික සෞඛ්‍ය පහසුකම් පිළිබඳව සෞඛ්‍ය වෛද්‍ය නිලධාරී වෙතින් වාර්තාවක් ලබා ගැනීම.

3.       එකම ස්ථානයේ වුවද එකිනෙකට වෙනස් ව්‍යාපාර කිහිපයක් සඳහා එකම අයෙකුට වුවද ඉල්ලුම් කළ හැක.

4.      ව්‍යාපාරික ස්ථානය සම්බන්ධයෙන් නීතිමය ගැටළු/ උසාවි ගත කරුණු පවතින අවස්ථාවකදී, එම කරුණු නිරාකරණය වීමෙන් පසු ව්‍යාපාර නාම ලියාපදිංචිය ලබා දීම සුදුසු වේ. නැතහොත් උසාවිය මඟින් ලබා දෙන අතුරු නියෝගයක් අනුව කටයුතු කිරීම සුදුසුය.

5.      යුධ හමුදා හෝ වෙනත් රජයේ ආයතනයක් මඟින් පවත්වාගෙන යන ව්‍යාපාර නාම ලියාපදිංචි කිරීමේදී රජයේ ආයතනයක් බව තහවුරු කර ගැනීමට අවශ්‍ය වේ. ව්‍යාපාරය ආයතනයේ යම් නිලයක් යටතේ ලියාපදිංචි කළ යුතුය.

 

 

Account Section

 1.      චෙක්පතක වලංගු කාලය දීර්ඝ කරගත හැකිද?

 

හැකිය. චෙක්පතේ මුද්‍රත වලංගු කාලය වන්නේ දින 30කි. චෙක්පත ලියන ලද දින සිට දින 30ක් ඉක්ම ගොස් ඇති අවස්ථාවක බැංකුවට ඉදිරිපත් කර නොමැති නම් නැවත චෙක්පත අප වෙත ඉදිරිපත් කර දින 30ක් සදහා දින දීර්ඝ කර ගත හැකිය.

 2.      චෙක්පතක් ගෙවීම් ලාභීයා අතින් නැති වූ විට නැවත චෙක්පතක් ලබා ගත හැකිද?

 හැකිය. චෙක්පත නැතිවූ බවත් නැවත චෙක්පතක් ලබාදෙන ලෙසත් ලිඛිත ඉල්ලීමක් කල විට නැවත චෙක්පතක් ලබා ගත හැකිය.

 3.      ලබා දුන් භාණඩ හා සේවා වලට අදාල ගෙවීම් මුදලින් ලබාගත හැකිද?

 ලබාගත නොහැක. ගෙවීම් ලබාදෙනු ලබන්නේ චෙක්පත් වලින් පමණකි. අමාත්‍යාංශයට පැමින හෝ ලියාපදිංචි තැපෑලෙන් චෙක්පත් ලබාගත හැක.

 4.      චෙක්පත් රේඛණය අවලංගුකර බැංකුවෙන් මුදල් ලබාගැනීමට හැකිවන පරිදි ලබාගත හැකිද?

       නොහැක.

5.      භාණ්ඩ හා සේවා සැපයීමකදී සැපයුම්කරුවන් තෝරා ගන්නේ කෙසේද?

 අදාල වර්ෂය සදහා සැපයුම් කරුවන් ඊට පෙර වර්ෂය අවසානයේදී ලියාපදිංචි වීම සදහා ප්‍රධාන ලේකම් කාර්යාලය මගින් පුවත්පත් දැන්වීමක් පලකරනු ලැබේ. අදාල පුවත්පත් දැන්වීම පලවීමෙන් පසුව එමගින් තෝරාගන්නා සැපයුම් කරුවන්ගේ විස්තර ඇතුලත් ලේඛණය ප්‍රධාන ලේකම් කාර්යාලය මගින් නිකුත් කරනු ලැබේ. එහි ඇතුලත් තොරතුරු මත අදාල සැපයුම්කරුවන් වෙත ලන්සු (Bid) ආරාධනා පත් නිකුත් කරනු ලැබේ.

 

 

 

 

 

 

 

Retaining Walls Kirkland